તારાં કોટિ કિરણોમાંથી... (પ્રાર્થના)

*******************************************
a

Prarthana comment

પ્રાર્થના : પ્રસ્તાવના
પ્રવક્તા : ડો. જગદીપ ઉપાધ્યાય

તારાં કોટિ કિરણોમાંથી ...

તારાં કોટિ કિરણોમાંથી કિંચિત કિરણો લાવું
તારાં પાવન ચરણો કેરાં અમી-ઝરણોમાં ન્હાઉં....

એક કિરણ હું અંગ લગાવું, ઉર ભીતર ઉતારું
જરા, મૃત્યુના ભવભય ભેદી નિત નવયૌવન ધારું....

એક કિરણથી કર્મ ધર્મનો મર્મ સક્લ હું લાધું
શબ્દ બ્રહ્મને શાસ્ત્રયોગનો સાર સનાતન સાધું...

જપ તપ તીરથ પુણ્ય પદારથ તૃતીય કિરણથી પામું
ભક્તિ ભાવના, મુક્તિ મોક્ષથી નિખિલ નિરામયી થાઉં
પ્રભુ....! તું મય હું બની જાઉં....


કવિ: રવિ ઉપાધ્યાય, "ઉરનાં સૂર" કાવ્ય સંગ્રહ.