મને માંગવામાં

ડેમો વિડિયો ક્લીપીંગ માટે પીક્ચર પર ડ્બલ ક્લીક કરશો

મને માંગવામાં

મને માંગવામાં યુગોયુગ વીત્યાં છે,

તમે દઇ દીધું માત્ર એક જ ઘડીમાં !!

મને મ્હેલ-મુકામ ઓછાં પડ્યાં છે,

સમાયાં તમે સાંકડી ઝૂંપડીમાં !!

ધરાઉં ન હું થાળ-પકવાન ખાતાં,

તમે તૃપ્ત છો તુલસી પાંદડીમાં !!

રૂદનને મને રોકતાં આવડ્યું ના,

વહાવ્યું તમે હાસ્ય વષાઁ-ઝડીમાં !!

ભગીરથ બની તપ કરી ના શક્યો હું,

વહયાં છો તમે થઇ ને ગંગા-ગતિમાં !!

કિતાબોમાં જીવન જડ્યું ના 'રવિ'ને

તમે શોધ્યું મૃત્યુની બારાખડીમાં !!

શબ્દરચના : રવિ ઉપાધ્યાય, સંગીતકાર: પ્રકાશ ઉપાધ્યાય, ગાયિકા : હેમાંગિની દેસાઇ,

ઓડીયો-વીડીયો મ્યુઝીક આલ્બમ : " મંઝિલને ઢૂંઢવા..."

ડેમો ક્લીપ : http://www.youtube.com/watch?v=Bh_OSwbFWGA