( ડેમો વિડિયો ક્લીપીંગ માટે પીક્ચર પર ડ્બલ ક્લીક કરશો )મંઝિલને ઢૂંઢવા ....
મંઝિલને ઢૂંઢવા દિશા કપરી જવું પડે,
છોડી જૂનું વતન નવી નગરી જવું પડે.
યુગોથી મીંટ માંડવી તપ એનું નામ છે,
શ્રીરામને જમાડવાં શબરી થવું પડે.
દર્શન પ્રભુનાં પામવાં ક્પરી કસોટી છે,
અર્જુનનાં રથના ચક્ર્ની ધરી થવું પડે.
બદલાની અપેક્ષા વિનાં સત્કર્મ જો ક્રરો ,
પત્થરનાં દેવને ક્દી પ્રગટી જવું પડે.
પાણી થવાંને કેટલું પાણી સહન કરે,
વાદળ બનીને વીજથી સળગી જવું પડે.
સન્માન કેવું પામશો મૃત્યુ પછી 'રવિ'
જોવાં તમાશો એક્વાર ગુજરી જવું પડે....
શબ્દરચના : રવિ ઉપાધ્યાય ‘રવિ’
ગાયક અને સંગીતકાર : પ્રકાશ ઉપાધ્યાય
મ્યુઝિક ઓડીયો / વીડીયો આલ્બમ : "મંઝિલને ઢૂંઢવા..."
No comments:
Post a Comment