2જી ઓક્ટોબર એ આપણાં રાષ્ટ્રપિતા મહાત્મા ગાંધીજીની જન્મજયંતિનો દિવસ. ગાંધીજી 1948માં શહીદ થયાં. એ અરસાનાં સમયમાં રચાયેલું, ગાંધીજીની દેશમાટેની કુરબાની ગાથા ગાતું અને એમના અધૂરાં સ્વપનોને પૂરાં કરવાનું વચનપૂર્તિ આપતું રવિ ઉપાધ્યાય ‘રવિ’નું આ ગીત ગાંધીજયંતિ નિમિત્તે ખાસ.....
યુગપિતા બાપુને....
યુગપિતા બાપુને....
જલાવ્યો તેં મુક્તિ-દિપ હરી ગુલામી-તિમિર ને,
વહાવી આત્માનો ઉદધિ, અમૂલાં પ્રેમ-કવનો-
ભણાવ્યા તેં મંત્રો પુનિત કુરબાની નિજ દઇ,
રચ્યા મુક્તિ કેરા અમર - ઇતિહાસો યુગ યુગે !
વહાવી આત્માનો ઉદધિ, અમૂલાં પ્રેમ-કવનો-
ભણાવ્યા તેં મંત્રો પુનિત કુરબાની નિજ દઇ,
રચ્યા મુક્તિ કેરા અમર - ઇતિહાસો યુગ યુગે !
કીધી ના તારી કૈં કદર જગના પામર જને !
ગુમાવી મોઘેંરુ રતન, નિજ હાથે જતું કરી -
હવે સંતાપે સહું, અનલ પ્રગટાવી નિજ ગૃહે !
રડે આજે હૈયાં, જખમ સહતાં - કૃત્ય નિજનાં !
દિશે દિશા તારાં સ્મરણ - ગીત આજે ગજવતી !
યુગોની નિકુંજો તવ સ્મરણ - ફૂલે મહકતી...
ચીરાયેલું હૈયું ધરણી તણું નિ:શ્વાસ ઝરતું !
ભરે માતૃભોમ, તવ વિરહનાં અશ્રુ ડૂસકાં !
હવે સંતાપી ના, તવ ઋણ કદી ટાળી શકીએ !
અધૂરાં સ્વપનોની મજલ કરીએ પૂર્ણ - બસ તો !
કવિ : રવિ ઉપાધ્યાય
3 comments:
આભાર જગદીપભાઈ.સારી ક્રુતિઓનુ રસપાન કરાવવા બદલ અભિનન્દન.તમારા ઉજળા ભવિષ્ય માટે શુભેચ્છા સહ..........કમલ વ્યાસ.
જગદીપભાઈ,
યુગપિતા ગાંધી બાપુને અંજલિ આપતું આ શિખરિણી છંદનું સૉનેટ સવિશેષ ગમ્યું.
પૂજ્ય રવિભાઈના મનનીય ગીત ભજનો આ રીતે પ્રકાશમાં લાવી પિતૃઋણ અદા કરવાના આપના આ પુનિત પ્રયાસ બદલ અભિનંદન. આપે કલામય મેઘધનુષી રંગોની રંગોળી પૂરીને આ બ્લોગને સુંદરતા પણ બક્ષી છે.
શુભેચ્છા સહ,
દિલીપ પટેલ
Thank for provide this information. I hope all other visitors are like this informtaion. If you like to get other information Visit this site. Get best information in this website. Thnks you for read This Comment, if you like to get all other infomraion like Gujarat All Government Exam Syllabus, Result, Answerkey, Call-Letter, go this site and get this all information.
Post a Comment